fbpx
Fimmtudagur 27.janúar 2022
Eyjan

Donald Trump er í hefndarhug gegn flokksbróður sínum í Georgíu

Kristján Kristjánsson
Mánudaginn 22. nóvember 2021 18:00

Trump segir alltaf satt sagði konan. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Donald Trump, fyrrum Bandaríkjaforseti, er ekki maður sem fyrirgefur auðveldlega eða viðurkennir að hann hafi tapað. Glöggt dæmi um það má sjá í tengslum við forsetakosningarnar á síðasta ári sem hann tapaði. Hann hefur ekki viljað sætta sig við niðurstöðurnar og hefur ítrekað sett fram ósannar fullyrðingar og samsæriskenningar um að rangt hafi verið haft við í kosningunum. Nú er hann sagður í hefndarhug og hefndarleiðangri gegn flokksbróður sínum Brian Kemp sem er ríkisstjóri í Georgíu.

CNN skýrir frá þessu. Fram kemur að Kemp hafi lengi setið öruggur í ríkisstjóraembættinu en nú séu blikur á lofti. Þegar Trump reyndi að snúa úrslitum forsetakosninganna við með því að beita óheiðarlegum aðferðum leitaði hann hjálpar hjá Kemp. Georgía er eitt þeirra ríkja þar sem Trump tapaði með litlum mun en aðeins 12.000 atkvæði skildu hann og Joe Biden að.

Trump hringdi í Kemp og bað hann um að sjá til þess að þingmenn ríkisins myndu útnefna sína eigin kjörmenn sem myndu síðan kjósa Trump. Kemp hafnaði þessu og sagði að úrslit kosninganna myndu standa, ekki hefði verið haft rangt við í ríkinu.

Bandarískir fjölmiðlar segja að Trump geri nú allt sem í hans valdi stendur til að fá David Perdue til að bjóða sig fram gegn Kemp og velta honum úr sæti ríkisstjóra. Þetta er að sögn liður í langvarandi hefndaráætlun hans gegn Kemp.

Brian Kemp. Mynd:Getty

Margir Repúblikanar hafa varað við því að tekist verði á innan flokksins um hver verði frambjóðandi til ríkisstjóra því þeir óttast að það muni bara verða til að kljúfa flokkinn og á endanum gagnast Demókrötum. Þeir óttast að slík innanflokksátök geti jafnvel orðið til þess að Demókratar sigri í kosningunum á næsta ári og tryggi sér ríkisstjóraembættið í fyrsta sinn síðan 2003.

Eric Tanenblatt, fyrrum kosningastjóri hjá Repúblikanaflokknum, sagði í samtali við CNN að það væri slæmt ef Perdue býður sig fram á móti Kemp. Repúblikanar séu hinn ráðandi flokkur í Georgíu og það sé óskiljanlegt af hverju eigi að skora hæfan mann, sem er sitjandi ríkisstjóri, á hólm innan flokksins.

David Perdue hefur ekki enn tilkynnt hvort hann bjóði sig fram eður ei.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Biden íhugar að senda mörg þúsund hermenn til Evrópu

Biden íhugar að senda mörg þúsund hermenn til Evrópu
Eyjan
Fyrir 3 dögum

Flytja bandaríska sendiráðsstarfsmenn frá Úkraínu vegna ótta við innrás Rússa

Flytja bandaríska sendiráðsstarfsmenn frá Úkraínu vegna ótta við innrás Rússa
Eyjan
Fyrir 4 dögum

SÞ segja að Íranar smygli vopnum til uppreisnarmanna í Jemen

SÞ segja að Íranar smygli vopnum til uppreisnarmanna í Jemen
Eyjan
Fyrir 4 dögum

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“
Eyjan
Fyrir 1 viku

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim
Eyjan
Fyrir 1 viku

Skortur á orku yfirvofandi hér á landi

Skortur á orku yfirvofandi hér á landi