Mjög alvarlegt umferðarslys varð á Reykjanesbraut í Reykjavík skömmu fyrir klukkan þrjú í dag. Kemur þetta fram í tilkynningu frá lögreglu.
Þar var bifreið á norðurleið ekið á gangandi vegfaranda norðan megin brúarinnar (Breiðholtsbraut að Nýbýlavegi).
Vegfarandinn var fluttur á slysadeild.
Ekki er unnt að veita frekari upplýsingar að svo stöddu segir í tilkynningu lögreglunnar.
