Ýmsir hafa velt fyrir sér hvort Bieber eigi í vandræðum í einkalífinu og sé jafnvel að nota fíkniefni vegna „þreytulegs“ útlits. Þá hefur klæðaburður hans vakið athygli.
„Endurteknar vangaveltur um að Justin sé að nota hörð fíkniefna eiga ekki við nein rök að styðjast,“ sagði umboðsmaður kappans við TMZ og bætti við að skjólstæðingur hans væri raunar á frábærum stað í lífinu um þessar mundir.
Justin er kvæntur Hailey Biber og eiga þau saman hinn sex mánaða gamla Jack Blues Bieber. Segir umboðsmaðurinn að Justin sé „mjög einbeittur í föðurhlutverkinu“ og þá vinni hann að nýrri tónlist.
Bætti hann við að Justin hefði vissulega gengið í gegnum ýmsar breytingar á undanförnum misserum. Hann hafi „lokað nánum vináttusamböndum og viðskiptatengslum“ sem að nýttust honum ekki lengur.
Segir umboðsmaðurinn að sögusagnir um andleg veikindi, fíkniefnaneyslu eða vandamál í einkalífinu séu þreytandi fyrir Justin og fólki sé gjarnt á að horfa aðeins á það neikvæða.
TMZ greindi frá því fyrr í þessum mánuði að aðdáendur hans hefðu áhyggjur af honum eftir að myndir náðust af honum þar sem hann var rauðeygður og með dökka hringi í kringum augun. Sögðu heimildarmenn TMZ að allar slíkar áhyggjur væru óþarfar þar sem Justin væri löngum stundum að vinna að nýju efni og þá tæki það á að vera foreldri með barn sem sefur lítið.
