„Ef það væri hægt að skilja á grundvelli stundarbrjálæðis þá myndi hann gera það,“ segir heimildarmaðurinn.
„Honum líður eins og síðustu tvö ár hafi verið einhver hitadraumur en hann er kominn til vits og ára núna og skilur að þetta mun aldrei virka.“
Stórstjörnurnar héldu þriggja daga brúðkaupsvíslu í Georgíu í Bandaríkjunum í ágúst 2022. Þau giftu sig í júlí en fögnuðu ástinni með fjölskyldu og vinum mánuði seinna.
Affleck og Lopez tóku saman aftur árið 2021 eftir um sautján ára aðskilnað. Þau byrjuðu fyrst saman árið 2002 og var mikið fjölmiðlafár í kringum samband þeirra. Þau trúlofuðust ári seinna en slitu sambandinu í byrjun 2004.
Fjölmiðlar hið ytra hafa greint frá því undanfarna daga að söngkonan sé flutt út af sameiginlegu heimili hennar og Ben og að allt stefni í skilnað.
Orðrómur um möguleg vandræði í paradís fór fyrst á kreik þegar Affleck mætti ekki með Lopez á Met Gala, þrátt fyrir að hún hafi spilað stórt hlutverk umrætt kvöld. Hjónin gáfu þá skýringu að leikarinn væri hreinlega of upptekinn en samkvæmt heimildarmanni In Touch er þó leiðinlegri skýring hér á ferðinni: Affleck er kominn með nóg af eiginkonunni.
Heimildarmenn Page Six segja að Affleck hefur verið að skoða hús í kringum Los Angeles.
Það mætti segja að samband þeirra hefur verið talsvert á milli tannanna á fólki en í hvert skipti sem þau virðast rökræða eða rífast, sem gerist reglulega, þá fer það í fréttirnar.
Sjá einnig: Myndband af J.Lo og Ben Affleck rífast fer eins og eldur í sinu um netheima
Jennifer Lopez, Ben Affleck have heated discussion inside car after his intimate moment with Jennifer Garner https://t.co/fxsxBxc6Gb pic.twitter.com/bbZyTwvkUb
— Page Six (@PageSix) October 1, 2023
