Um er að ræða nýja þætti frá streymisveitunni Prime Video þar sem Kidman fer með aðalhlutverk í seríunni.
Hún klæddist fallegum svörtum Atelier Versace kjól sem var alveg opinn í bakið.
Útlit hennar og klæðnaður á frumsýningunni hefur vakið mikla athygli en þótti aðdáendum hún stórglæsileg og spurðu margir sig hvort hún væri að yngjast, en ekki eldast.
„Hvaða tímaflakk er þetta… Við gætum alveg eins verið í Feneyjum árið 1999 á frumsýningu Eyes Wide Shut,“ sagði einn netverji við myndirnar af Kidman.
„Hólí Nicole Kidman,“ sagði annar einfaldlega.
Expats er sex þátta sería sem er byggð á metsölubókinni The Expatriates eftir Janice Y.K. Lee.
