Hún var gestur í Fókus, spjallþætti DV, í síðustu viku og ræddi um opin sambönd, heilbrigð samskipti og margt annað.
Í þættinum fer hún yfir algengan vanda, óttann við að endurtaka gömul mistök í nýju sambandi. Hún útskýrir nánar og fer yfir hvers konar námskeið hún býður upp á í spilaranum hér að ofan.
„Það sem stoppar oft fólk frá því að fara í nýtt samband er óttinn við sömu mistökin og í síðasta sambandi. Kannski hafa þau verið særð, upplifað framhjáhald eða eitthvað. Jafnvel þó þig langi í samband þá er þessi ótti við að vera særður á sama hátt mjög sterkur. Með því að læra hvernig þú getur betur vitað hvað þú vilt og betur beðið um það, og komið í veg fyrir særindi áður en þau gerast bara með því að tala betur um það og vera mjög mikið með það á hreinu hvernig þú skapar gott samand, þá ertu betur búin og meira til í þetta. Stærsti parturinn af þessu námskeiði er að læra að díla við tilfinningarnar þinar, skilja hvað þær þýða og róa þig niður.“
Horfðu á þáttinn í heild sinni hér, eða hlustaðu á hann á Spotify.
Einstaklingsnámskeiðið hennar Þitt er valið hjálpar öllum einstaklingum (óháð sambadsstöðu) sem vilja upplifa meiri hamingju í sambandi að rækta innri styrk og virðingu sem eru nauðsynleg til að skapa gott samband.
Á vefsíðunni hennar má einnig finna frítt örnámskeið í tjáningu fyrir þau okkar sem eiga stundum erfitt með að vita hvernig á að orða erfiða hluti við makann sinn og óttast að særa.
Fylgstu með Þórhildi á Instagram og skoðaðu námskeiðin sem hún býður upp á hér.
