Leikarinn Sam Asghari sótti um skilnað frá poppstjörnunni Britney Spears á miðvikudaginn síðastliðinn og sama dag birtu fjölmiðlar vestanhafs fréttir um hjónaslitin.

Í kjölfarið birtust fréttir um meinta fjárkúgun Sam og meintar ásakanir hans um framhjáhald.

Sjá einnig: Skilnaðarskandall ársins í uppsiglingu – Framhjáhald og fjárkúgun

Málið hefur undið upp á sig og greinir TMZ frá því að Britney á að hafa haldið framhjá með starfsmanni sem vann heima hjá henni.

Heimildarmaður TMZ sagði að leikarinn hafi komist að framhjáhaldinu því hann hafi fundið grunsamlegt myndefni af Britney og starfsmanninum saman.

Samkvæmt heimildarmanninum á Sam einnig að hafa haldið því fram að Britney hafi beðið annan starfsmann um að taka myndband af henni naktri.

Hvorki Britney né Sam hafa tjáð sig um málið.

Á að hafa ráðist á hann

Slúðurmiðillinn TMZ greindi einnig frá því Britney átti að hafa ráðist á Sam fyrr á þessu ári á meðan hann svaf og gefið honum glóðarauga.

Sam Asghari Claimed Britney Spears Attacked Him in His Sleep, Gave Black Eye https://t.co/tMkWvUBRs0

— TMZ (@TMZ) August 17, 2023

Sam lagði fram skilnaðarpappíra á miðvikudaginn og sagði ástæðuna fyrir skilnaðinum vera „óleysanlegan ágreining.“

Hann rauf þögnina um skilnaðinn á Instagram í gær. Hann minntist ekki á neinar ásakanir í yfirlýsingu sinni, heldur sagði að þau beri virðingu fyrir hvort öðru og að hann óskaði Britney alls hins besta í framtíðinni.

Sjá einnig: Sam Asghari rýfur þögnina