Skýrt er frá málinu í American Journal of Case Reports. Þar kemur fram að konan, sem er 45 ára og býr í Mississippi, hafi verið að stunda kynlíf með eiginmanni sínum þegar hún fann skyndilega fyrir „smelli“ í brjóstinu þegar hún fékk fullnægingu.
Þegar þetta gerðist lá hún undir manninum og þrýstust fætur hennar niður að bringu hennar.
Þegar hún kom á sjúkrahúsið var hún beðin um að segja til um hversu mikill sársaukinn væri á skalanum 1 til 10. Svarið var 10.
Rannsóknir leiddu í ljós að blóðþrýstingur hennar var 220/140 en hjá konum á þessum aldri er blóðþrýstingurinn venjulega 120/80.
Henni voru strax gefin sterk verkjalyf til að lina verkin og hjálpa henni að róast.
Konan átti sér sögu um háþrýsting og hafði fengið ávísað lyfjum við honum en þau hafði hún ekki tekið síðasta ári. Hún reykti 6 til 7 sígarettur á dag og hafði gert síðan hún var 17 ára. Rannsókn leiddi ekkert í ljós sem vakti sérstakar áhyggjur lækna. Þeir gerðu því enn frekari rannsóknir á henni og komust þá að því að þegar hún fékk fullnægingu í fyrrgreindri stellingu hafi blóð lekið í gegnum innsta lag slagæðar og byrjað að renna á milli innri og ytri veggja æðarinnar.
Konan var útskrifuð af sjúkrahúsinu eftir þrjá daga.
