Það er eitthvað fágað, konunglegt og nostalgískt við ævintýralega eign sem nú er til sölu við Laugaveg.

Um er að ræða þriggja herbergja íbúð sem er 82 fermetrar að stærð. Það er kannski ekki stórt en íbúðin verður sérstaklega vegleg út af tæplega þriggja metra lofthæðinni, glæsilegum gipslistum og rósettum.

Húsið var reist árið 1927 og hefur íbúðinni verið viðhaldið svo að upprunalegir eiginlegar fá að njóta sín.

Fyrir áhugamenn um fasteignaviðhald er vert að taka fram að aðeins er ár síðan það var drenað og samkvæmt auglýsingu hefur eigninni verið vel viðhaldið í gegnum árin.

Garðurinn er einnig gróinn og fagur og fullkominn fyrir grillið.

Eignin vekur þó ekki síst eftirtekt vegna þess hvernig seljandi hefur mublerað hana. Djarfir litlir skreyta eignina og þung, hálf konungleg gluggatjöldin gefa íbúðinni ótrúlega óvenjulegan stíl og finnst manni helst sem að maður hafi ferðast aftur í tímann. Gólflistarnir eru sérlega fallegir og krúsídúllur ofarlega á veggjum í stofunni segja fágaðan brag ásamt þeirra fjölmörgu listaverka sem skreyta veggina. Húsgögnin brjóta heldur ekki stílinn og þykir manni jafnvel að sjónvarpið sé það eina sem kemur upp um að myndin sé ekki frá tíma fyrir uppfinningu imbakassans.

Nánar má lesa um eignina á fasteignavef DV.