Það gerist varla skemmtilegra útsýnið en í útsýnisperlu sem nú er til sölu á Huldubraut í Kópavogi. Um er að ræða sjarmerandi og rúmgott einbýli á eftirsóttum stað við sjávarsíðuna

Húsið er á pöllum sem gerir það einstaklega skemmtilegt að innan og er rýmið vel brotið upp.

Eignin hefur verið mikið endurnýjuð að innan á undanförnum árum og eins hefur lóðin verið tekin í gegn. Með eigninni er tvöfaldur bílskúr og svo er þar að finna 65 fermetra leiguíbúð.

Líklega er hjarta eignarinnar í stórri og bjartri stofunni. Þar má finna arinn sem er líklega upplagt að sitja við og njóta útsýnisins til norðurs yfir Fossvoginn, Öskjuhlíð og Nauthólsvík.

Alls eru fimm svefnherbergi í eigninni, tvö af þeim í aukaíbúðinni.

Eignin er skráð 330 fermetrar að stærð og ásett verð er 297 milljónir

Nánari upplýsingar og fleiri myndir má finna á fasteignavef DV