CNN skýrir frá þessu. Fram kemur að Harrison hafi verið skotinn til bana um klukkan 01 aðfaranótt laugardags utan við lögreglustöð í Alamo í Wheeler County í Georgíu. Hann var 26 ára.
Enginn hefur verið handtekinn vegna málsins. Lögreglan hefur heitið peningaverðlaunum fyrir upplýsingar sem leiða til handtöku þess sem varð Harrison að bana.
Lögreglan hefur sent út aðvörun á landsvísu þar sem segir að morðinginn geti verið hættulegur samfélaginu.
Harrison lætur eftir sig eiginkonu og sex mánaða gamalt barn.
Harrison hóf störf sem lögreglumaður 2018 og hafði starfað hjá fjórum lögregluembættum áður en hann kom til starfa í Alamo.
