Sir Alex Ferguson var fluttur á sjúkrahús frá Old Trafford í dag eftir að hafa fundið fyrir vanlíðan á leikvanginum.

Samkvæmt upplýsingum var um varúðarráðstöfun að ræða og eru forráðamenn Manchester United bjartsýnir á að hinn goðsagnakenndi fyrrverandi knattspyrnustjóri muni ná sér fljótt og halda heim á ný á næstu klukkustundum.

Atvikið átti sér stað fyrir leik Manchester Unitedgegn Liverpool á Old Trafford.

United hefur yfirhöndina í leiknum þegar fréttirnar berast og eru 2-0 yfir, eftir mörk frá Matheus Cunha og Benjamin Šeško.

Ferguson, sem stýrði Manchester United til ótal titla á sínum tíma, er áfram reglulegur gestur á heimaleikjum félagsins og stuðningsmenn bíða nú eftir frekari tíðindum um líðan hans.