Folarin Balogun, einn mest spennandi ungi leikmaður Arsenal, rennur út á samning eftir núverandi tímabil. Lítið hefur þokast í samningarviðræðum leikmannsins við forráðamenn félagsins og mörg lið hafa áhuga á kappanum.
Balogun er 19 ára gamall framherji að uppruna en getur einnig spilað bæði á hægri og vinstri kanti. Hann hefur fengið tækifæri í liði Arsenal á tímabilinu og þá einna helst í Evrópudeildinni þar sem hann hefur spilað 4 leiki og skorað 2 mörk ásamt því að gefa eina stoðsendingu.
Blaðamaðurinn virti, Fabrizio Romano, greinir frá því á samfélagsmiðlinum Twitter í dag að fleiri en fimmtán félög hafi sett sig í samband við leikmanninn og boðið honum samning.
Ein helsta ástæða þess að illa hefur gengið í samningarviðræðum Balogun við Arsenal er að hann krefst spilatíma sem knattspyrnustjórinn Mikel Arteta, hefur hingað til ekki geta lofað.
Balogun má ræða við félög utan Englands eins og staðan er núna og talið er að stærstu félög Þýskalands horfi hýru auga til hans. Fabrizio Romano, hefur hins vegar heimildir fyrir því að ekkert formlegt samningsboð hafi komið frá RB Leipzig.
Folarin Balogun has received more than 15 bids as a free agent for next summer. His contract situation with Arsenal is stalling, still complicated because he wants to play. 🔴 #AFC
RB Leipzig have *not* made an official bid to sign Balogun as of today. ⛔️ #RBLeipzig
— Fabrizio Romano (@FabrizioRomano) January 13, 2021
