Divock Origi hefur lagt skóna á hilluna, 31 árs að aldri.
Belginn greindi frá ákvörðun sinni á samfélagsmiðlum, þar sem hann sagði tilgang sinn sem leikmaður hafa verið uppfylltan.
„Ég uppfyllti drauminn minn um að spila á stærsta sviði heims og vinna stærstu titlana,“ skrifaði Origi.
Origi verður líklega hvað best minnst fyrir tíma sinn hjá Liverpool þar sem hann skoraði meðal annars gegn Tottenham í úrslitaleik Meistaradeildarinnar árið 2019.
Hann varð einnig enskur meistari með Liverpool tímabilið á eftir undir stjórn Jurgen Klopp.
Á ferlinum lék Origi einnig með Lille, Wolfsburg, AC Milan og Nottingham Forest auk þess að spila 32 landsleiki fyrir Belgíu og skora í þeim þrjú mörk.
Liverpool óskaði framherjanum einnig til hamingju ferilinn á samfélagsmiðlum eftir tilkynninguna hans í dag.
