Guðjón Orri Sigurjónsson, leikmaður KR, hefur beðist afsökunar á ummælum sem hann lét falla í gær.

Í gær birtum við grein og í henni kom fram að KR myndi borga laun næstu mánaðarmót og að félagið skuldi engum pening.

Guðjón endurbirti færsluna á Twitter og hafði sitt að segja um málið áður en færslunni var eytt.

Hann hefur nú beðist afsökunar á færslunni á Facebook og segist sekur um algjört dómgreindarleysi.

,,Ég sem leikmaður KR biðst innilega afsökunar á þeim ummælum sem ég lét hafa eftir mér á samfélagmiðlum seint í gær um fjárhag KR, og hvernig þeim væri ráðstafað,“ skrifar Guðjón.

,,Ég sem nýr leikmaður hjá klúbbnum gerðist sekur um algjört dómgreindarleysi. Það var alls ekki meining mín að skíta út mannorð klúbbsins og vil ég biðja alla KR inga afsökunar á þessum ummælum sem ég lét hafa eftir mér.“

,,Að lokum vil ég minna á leikinn upp á Skipaskaga á Sunnudaginn.“