Kvikmyndagerðarmaðurinn Hrafn Gunnlaugsson hélt árlega veislu á heimili sínu á Laugarnestanga fimmtudaginn fyrir verslunarmannahelgi og kom fjöldi gesta venju samkvæmt og naut veitinga í veðurblíðunni.
„Ég er búinn að halda þessa veislu í 20 ár og alltaf fimmtudaginn fyrir verslunarmannahelgina,“ segir Hrafn, „nema í fyrra, þá var ég veikur.“
Heimili Hrafns vekur jafnan mikla eftirtekt ferðamanna um Sæbrautina og Laugarnesið og segir hann um 200 gesti staldra þar við daglega. Við heimili hans er Hörgurinn, hof sem er öllum opið.
Vekur athygli Hús Hrafns á Laugarnestanga vekur jafnan mikla athygli ferðamanna, en um 200 gestir stoppa þar við daglega á göngu sinni meðfram Sæbrautinni.
Allsherjargoði og kvikmyndatónskáld Hilmar Örn Hilmarsson hefur gegnt embætti allsherjargoða síðan árið 2003. Sem kvikmyndatónskáld hefur hann hlotið fjölda viðurkenninga.
Guðfaðirinn í bleikri skyrtu Hrafn, unnustan Yaira Villanueva og sonur þeirra, Anton Ariel Aman, ásamt Megasi, sem er guðfaðir Antons. Þegar sonurinn var nefndur á sínum tíma, þá var það gert í ásatrú og á sama tíma tóku foreldrarnir hana upp.
Þú og þeir Tónlistarmaðurinn og rithöfundurinn Sverrir Stormsker lét sig ekki vanta.
Fékk góða gjöf Þórir Kjartansson mætti færandi hendi með góða gjöf, forláta sverð sem Hrafn mundar hér.
Hagfræðingur hlýðir á heildsala Þorvaldur Gylfason, prófessor í hagfræði við Háskóla Íslands, hlýðir á Jóhann J. Ólafsson, fyrrverandi forstjóra heildverslunarinnar Jóhann Ólafsson & Co.
Þrír vinir Hrafn ásamt unnustunni, Yaira Villanueva, og Megasi.
Myndarhjón Hjónin Ari Kristinsson kvikmyndagerðarmaður og Margrét María Pálsdóttir.
Höfundur hugsar Ólafur Gunnarsson þungt hugsi, jafnvel yfir næstu bók?
Havana Club Barnsmóðir Hrafns er frá Kúbu og því býður Hrafn gestum sínum alltaf upp á Havana Club.
Slegið á létta strengi Jóhann J. Ólafsson og Stefán Ólafsson prófessor hressir saman.
Gullsmiður í gulri peysu Ófeigur Björnsson, gullsmiður og myndhöggvari, eigandi Gullsmiðjunnar á Skólavörðustíg.
Flottar freyjur Ragnheiður Valdimarsdóttir klippari og Edda Andrésdóttir fréttakona unnu saman á RÚV við Laugaveginn í mörg ár. Ragnheiður klippti meðal annars Blóðrautt sólarlag, mynd Hrafns 1977.
Rúmlega þrítug vínflaska opnuð Félagarnir Megas, Hilmar og Hrafn ræða um flösku af Calvados frá 1983, sem Hrafn fékk að gjöf í Rúðuborg fyrir um það bil 20 árum, en ákvað að opna í tilefni veislunnar í ár.
Glatt á palli Stemning á pallinum hjá Hrafni með frábæru útsýni. Á myndinni má einnig sjá Hörginn, trúarhof sem Hilmar allsherjargoði vígði í júní 2014. Að sögn Hrafns er Hörgurinn eina helga véið hér á landi. Í hofinu er að finna trúartákn kristni, ásatrúar og islam. Turninn sem bobbingarnir tróna á kemur úr gamla Goðafossi og grafíklistaverkið er eftir Þorsteinn Davíðsson. Öllum er frjáls umferð um hörginn.
