Í gærkvöldi hófst fyrsta árlega Pétursmótið. Mótið er haldið til styrktar minningarsjóði og til heiðurs Péturs Péturssonar osteopata, sem lést langt fyrir aldur fram þann 21. september árið 2016, 51 árs gamall eftir harðvítuga baráttu við krabbamein.
Skömmu fyrir andlát Péturs var haldið styrktarkvöld fyrir hann og fjölskyldu hans í TM Höllinni í Keflavík. Fullt hús var að fólki sem sýndi málstaðnum samhug og fylgdist með Páli Óskari taka lagið og landsliðum karla og kvenna leika við pressulið.
Hér fyrir neðan má sjá myndband sem kvikmyndagerðamaðurinn Sævar Guðmundsson gerði eftir styrktarkvöldið.
