Í kvöld kl. 20 stendur Vinafélag Sinfóníuhljómsveitar Íslands fyrir fyrirlestrinum „Klassísk tónlist 101“ með Árna Heimi Ingólfssyni.

Fyrirlesturinn fer fram í Kaldalóni í Hörpu. Þar mun hann stikla á stóru um sögu klassískrar tónlistar, sinfóníuformið, og ólíkar leiðir til þess að njóta klassískrar tónlistar. Kynningin er sniðin að þeim sem hafa lítil kynni haft af klassískri tónlist en hafa áhuga á að kynnast þeim töfrum sem hún býr yfir.

Sérstök áhersla er lögð á að kynna hápunkta í dagskrá vetrarins og að erindinu loknu verður Árni Heimir til ráðgjafar um val á tónleikum fyrir Regnbogaáskrift.

Aðgangur er ókeypis og allir velkomnir.