Arsenal tryggði sér enska meistaratitilinn í gærkvöldi eftir að Manchester City gerði jafntefli við Bournemouth og getur þar með ekki náð liðinu að stigum.
Um er að ræða fyrsta Englandsmeistaratitil Arsenal í 22 ár og voru fagnaðarlæti leikmanna, starfsfólks og stuðningsmanna um alla London eftir því.
Leikmenn og eitthvað af starfsfólki horfðu á leik City í gær saman en samkvæmt Mirror fylgdist Arteta með leiknum heima með fjölskyldu sinni áður en hann kom til móts við leikmenn Arsenal á Tape-næturklúbbnum í Mayfair síðar um kvöldið.
Leikmenn Arsenal héldu svo áfram að fagna langt fram á nótt og hittu sumir þeirra stuðningsmenn fyrir utan Emirates-leikvanginn klukkan fimm í morgun.
Næst tekur við leikur við Crystal Palace, þar sem Arsenal fær bikarinn afhendann, áður en liðið fer til Búdapest og mætir Paris Saint-Germain í úrslitaleik Meistaradeildarinnar.
