Manchester United og Liverpool fylgjast bæði grannt með stöðu brasilíska miðvarðarins Gleison Bremer hjá Juventus fyrir sumargluggann.
Samkvæmt Gazzetta dello Sport gæti Bremer farið frá Juventus ef félagið nær ekki sæti í Meistaradeildinni á næsta tímabili, en liðið er 2 stigum frá Meistaradeildarsæti fyrir lokaumferð Serie A.
Bremer, sem er 29 ára gamall, hefur verið einn mikilvægasti leikmaður Juventus síðan hann kom frá Torino árið 2022 og er sagður henta vel í ensku úrvalsdeildina.
Bremer er með klásúlu í samningi sínum upp á 58 milljónir punda, en hægt er að virkja hana í ágúst. Talið er að hann gæti farið á lægra verði ef hann þrýstir á sölu.
