Unai Emery skapað sér vænan sess í sögubókum Aston Villa í kvöld þegar liðið mætir Freiburg í úrslitum Evrópudeildarinnar. Emery hefur unnið keppnina fjórum sinnum áður og enginn knattspyrnustjóri hefur oftar lyft bikarnum.

Villa er komið í sinn fyrsta úrslitaleik í Evrópukeppni í 44 ár og gæti jafnframt bundið enda á 30 ára bið eftir stórum titli. Emery tók við liðinu árið 2022 og sagði strax að markmiðið væri að vinna titla með því.

„Ég er ekki konungur þessarar keppni. Það sem ég gerði áður skiptir engu máli núna. Ég þarf að vinna þetta með Aston Villa og þessum leikmönnum,“ segir hógvær Emery hins vegar.

Spánverjinn hefur áður unnið Evrópudeildina þrisvar með Sevilla og einu sinni með Villarreal, auk þess að fara með Arsenal í úrslit árið 2019, þar sem liðið tapaði fyrir Chelsea.

Villa er að eiga frábært tímabil og hefur þegar tryggt sér sæti í Meistaradeild Evrópu á næstu leiktíð.