Þýskir vísindamenn hafa uppgötvað áður óþekkta virkni haframjöls og það þarf varla að taka fram að þessi virkni er mjög jákvæð fyrir mannslíkamann.

TV2 skýrir frá þessu og segir að þegar fólk borðar mikið af haframjöli á stuttum tíma, þá virðist það lækka kólesterólið. Þetta er því mikilvægt fyrir þá sem eru í áhættuhópum varðandi hjarta- og æðasjúkdóma  og sykursýki 2.

Áður var vitað að haframjöl hefur jákvæð áhrif á kólesterólið en ekki var vitað að mikil neysla þess á skömmum tíma geti lækkað magn þess hratt sagði Gunnar Gíslason, rannsóknastjóri dönsku hjartaverndarsamtakanna, í samtali við TV2.

Í þýsku rannsókninni kom í ljós að bestu áhrifin náðust við neyslu 300 gramma af haframjöli á dag.