Þetta kemur fram í frétt Mashable sem unnin er úr tölum greiningarfyrirtækisins Counterpoint.
Tölurnar ná til heildarfjölda snjallsíma, bæði nýrra og eldri gerða, sem framleiðendurnir sendu frá sér árið 2025.
Tölur Counterpoint leiða í ljós að Apple var með 20% hlutdeild hvað þetta varðar á síðasta ári, Samsung 19% og kínversku fyrirtækin Xiamo, Vivo og Oppo komu þar á eftir á með 13%, 8% og 8%.
Þessi breyting er athyglisverð í ljósi þess að Apple og Samsung voru í raun jöfn árin 2023 og 2024, fyrst með 19% hlutdeild hvor og síðan 18%. Þar áður hafði Samsung verið efst í meira en áratug.
Samkvæmt Counterpoint jukust sendingar Apple um 10% milli ára, sem er mesti vöxtur meðal fimm stærstu framleiðendanna. Varun Mishra, greinandi hjá Counterpoint, segir að það hafi skipt sköpum hjá Apple þegar fyrirtækið kynnti til sögunnar ódýrari iPhone 16e í febrúar á síðasta ári. Við það segir hann að markhópur Apple hafi stækkað til muna.
Counterpoint býst við því að Apple muni auka forskot sitt á þessu ári og halda því að minnsta kosti til ársins 2029.
