Söngkonan Jennifer Lopez lauk sumartónleikaferð sinni Up All Night um helgina og má segja að óboðinn gestur hafi gert þá ógleymanlega öllum sem á horfðu.
Á tónleikum sínum í Almaty í Kasakstan á sunnudag steig Lopez á svið í svörtum kjól með halterneck-mynstri og söng ballöðu. Á meðan á söngnum stóð skreið risavaxin krybba hægt upp bringu hennar og síðan á háls Lopez.
Söngkonan missti ekki úr takt þegar hún greip skordýrið og kastaði því af sér, með handlegginn útréttan eins og það væri hluti af dansi. Síðan brosti hún breitt og kláraði lagið.
„Það kitlaði mig,“ sagði hún brosandi.
Lopez birti myndband af atvikinu á Instagram og skrifaði með glettni: „Söguþráðurinn: @JLo byrjaði rétt í þessu að æfa fyrir Kiss of the Cricket Woman… á sviðinu… í rauntíma. 😂💋🦗.“
Aðdáendur hrósuðu söngkonunni fyrir að halda ró sinni og stöðva ekki tónleikana.
„Algjör fagmennska í sinni tærustu mynd,“ sagði einn.
View this post on Instagram
