Atlético Madrid hefur bæst í hóp félaga sem vilja fá Bernardo Silva frá Manchester City í sumar samkvæmt Sky Sports.
Portúgalski miðjumaðurinn verður samningslaus eftir tímabilið og er að yfirgefa Etihad eftir mörg farsæl ár hjá City. Bernardo hefur verið fyrirliði liðsins á tímabilinu og lykilmaður í velgengni félagsins undir stjórn Pep Guardiola.
Barcelona og Juventus hafa lengi verið nefnd sem helstu áhugasömu félögin en nú er Atlético Madrid einnig sagt fylgjast grannt með stöðu hans. Þá hefur Bernardo einnig verið orðaður við lið í Sádi-Arabíu og MLS-deildina í Bandaríkjunum.
Samkvæmt heimildum Sky Sports er draumur Bernardo þó að spila fyrir Barcelona. Katalónska félagið hefur áður reynt að fá hann til sín en fjárhagsstaða félagsins hefur gert slík kaup erfið.
Bernardo hefur enn ekki tekið endanlega ákvörðun um framtíð sína en talið er að næstu vikur verði afgerandi.
Hinn 31 árs gamli leikmaður hefur verið einn stöðugasti miðjumaður Evrópu undanfarin ár og gæti orðið eitt stærsta nafn sumargluggans þegar hann yfirgefur Manchester City á frjálsri sölu.
