Jamal Musiala, stjarna Bayern München og þýska landsliðsins, hefur misst ökuleyfið sitt eftir alvarlegt umferðaratvik á þýsku hraðbrautinni A8 í fyrra.
Samkvæmt þýskum miðlum á atvikið sér stað 13. apríl 2025 þegar Musiala ók rafmagnsbíl sínum, sem er metinn á um 120 þúsund pund, á miklum hraða í átt að Salzburg. Talið er að hann hafi tekið fram úr öðrum bíl með hættulegum hætti sem leiddi til áreksturs.
Málið fór fyrir dómstóla í München og hefur Musiala nú verið dæmdur fyrir gáleysislegan akstur sem skapaði hættu í umferðinni auk þess að valda líkamstjóni af gáleysi í tveimur tilvikum.
Tveir einstaklingar, 30 ára karlmaður og 26 ára kona sem voru í Volkswagen Golf bifreið, hlutu minniháttar meiðsli í slysinu.
Dómstóllinn gaf út refsiskipun í janúar 2026 og samkvæmt fréttum hefur hún nú tekið gildi. Musiala mun að lágmarki missa ökuleyfið í níu mánuði.
Bayern München hefur ekki enn gefið út opinbera yfirlýsingu um málið en atvikið hefur vakið mikla athygli í Þýskalandi enda er Musiala einn stærsta stjarna landsins og lykilmaður bæði hjá Bayern og þýska landsliðinu.
