Thomas Tuchel segir að Jude Bellingham þurfi að berjast fyrir sæti sínu í byrjunarliði Englands fyrir HM í sumar.
Bellingham hefur aðeins byrjað fjóra leiki síðan Tuchel tók við enska landsliðinu í janúar 2025.
„Hann þarf að berjast fyrir sæti sínu. Við erum með 14 eða 15 leikmenn sem gætu allir verið í byrjunarliðinu og Jude er einn af þeim.“
Bellingham var lykilmaður hjá Englandi á EM 2024 og byrjaði alla sjö leiki liðsins, en meiðsli hafa sett strik í reikninginn undanfarna mánuði.
Tuchel sagðist þó ánægður með frammistöðu miðjumannsins í 1-0 sigri gegn Nýja-Sjálandi um helgina.
„Hann er ferskur, vill spila og er í toppformi núna,“ sagði Tuchel.
Bellingham kom inn á sem varamaður í leiknum og bar fyrirliðabandið í síðari hálfleik.
England mætir Kosta Ríka í síðasta vináttuleik sínum fyrir HM á miðvikudagskvöld og hefur svo leik á mótinu sjálfu 17. júní gegn Króatíu.
