Atlético Madrid hefur mikinn áhuga á að fá Marc Cucurella frá Chelsea í sumar samkvæmt spænskum miðlum.

Vinstri bakvörðurinn hefur verið lengi á radar hjá Mathieu Alemany, íþróttastjóra Atlético Madrid, sem reyndi áður að fá Cucurella til Barcelona þegar hann starfaði þar. Nú vill Alemany styrkja vinstri kant varnarlínunnar hjá Atlético með spænska landsliðsmanninum.

Barcelona fylgist einnig áfram með stöðu Cucurella en katalónska félagið virðist frekar ætla að festa kaup á João Cancelo frá Al Hilal eftir lánsdvöl hans hjá félaginu.

Barcelona hyggst fyrst og fremst leggja áherslu á að fá nýjan framherja í stað Robert Lewandowski sem er á förum frá félaginu. Julián Álvarez hjá Atlético Madrid er sagður vera draumakostur Barcelona í þá stöðu.

Þau mögulegu félagaskipti gætu einnig haft áhrif á framtíð Marcus Rashford hjá Barcelona. Enski framherjinn vill vera áfram hjá félaginu og Barcelona hefur áhuga á nýjum lánssamningi. Félagið hefur kauprétt á Rashford fyrir um 26 milljónir punda en er sem stendur tregt til að virkja ákvæðið.