Wayne Rooney segir að miklar breytingar séu í vændum hjá Manchester United og að mars mánuður sé ansi stór fyrir Sir Jim Ratcliffe til að klára planið sitt.

Ratcliffe keypti 27,7 prósenta hlut í félaginu í febrúar og er byrjaður að taka til hendinni.

Byrjað er að skipta út fólki utan vallar og nú er von á því að Ratcliffe og hans fólk taki til í leikmannahópnum.

„Þetta verður stór mánuður fyrir Manchester United, við vitum öll að það eru breytingar að fara að eiga sér stað,“ segir Rooney við BBC.

Draumur Rooney er einn daginn að taka við þjálfun Manchester United en hann þarf að sanna ágæti sitt fyrst.

„Að stýra Manchester United eða Everton er draumurinn og markmiðið, þetta eru stór störf,“ segir Rooney sem var rekinn frá Birmingham á dögunum.

„Þetta er vegferð, ég verð að taka næstu skref og koma mér aftur af stað. Ég vil fara aftur í þjálfun og á næstu tíu árum fæ ég vonandi stórt starf.“