Neymar yrði ekki ánægður í Newcastle á Englandi segir fyrrum brasilíski landsliðsmaðurinn Edmundo.

Newcastle er moldríkt félag í dag og hefur verið orðað við Neymar sem gæti verið fáanlegur hjá Paris Saint-Germain.

Edmundo telur að Newcastle myndi alls ekki henta Neymar og segir hann einnig hafa gert mistök með að semja í París.

,,Ég hef komið til Newcastle og þetta er lítill og kaldur bær,“ sagði Edmundo í hlaðvarpsþættinum Mundo Ed.

,,Ef hann er í vandræðum með að aðlagast í París þá verður hann ekki ánægður í Newcastle. Ef þeir borga honum það sem hann vill þá mun hann samt fara.“

,,Hann þarf að vera einbeittur því HM er á þessu ári. Það var ekki góð ákvörðun hjá honum að fara til PSG.“