Liverpool hefur staðfest að Jordan Henderson fyrirliði félagsins hafi farið í vel heppnaða aðgerð á nára í vikunni.

Henderson meiddist á nára í leik gegn Everton um liðna helgi, fyrirliðinn fór af velli í fyrri hálfleik í tapinu á Anfield.

Liverpool segir óvíst hvenær Henderson getur spilað á nýjan leik en segja að hann spili í fyrsta lagi í apríl.

Sérfræðingar telja hins vegar að Henderson spili líklega ekki meira á þessu tímabili, hann þurfi þrjá mánuði til að jafna sig.

Ekki er öruggt að Henderson jafni sig fyrir Evrópumótið í sumar. Evrópumótið fer af stað 13 júní og væri það mikil blóðtaka fyrir Englendinga að missa sinn mikilvægasta miðjumann út.