Stuðningsmenn Liverpool geta þakkað eiginkonu Jurgen Klopp fyrir það að hann sé nú stjóri liðsins.
Phil Thompson, goðsögn Liverpool, greinir frá þessu en hann ræddi við Klopp fyrir Sky Sports á sínum tíma.
Klopp gat tekið við hjá Manchester United eftir brottför Sir Alex Ferguson en eiginkona hans Ulla vildi ekki sjá hann fara þangað.
,,Ég ræddi við Klopp fyrir Sky Sports og spurði hvort hann og Liverpool smellpössuðu saman. Hann horfði á mig og spurði mig af hverju,“ sagði Thompson.
,,Svo sagði hann mér að hann hefði getað tekið yfir hjá Manchester United en að eiginkona hans hafi stöðvað það.“
,,Þegar Liverpool kom til sögunnar þá taldi hún það ekki rétt. Að það væri eitthvað skrítið í gangi, eins og hann væri skapaður fyrir Liverpool.“
