fbpx
Sunnudagur 16.desember 2018
Matur

Matseðill vikunnar: Fimm einfaldir réttir – Lax, Risotto og Teriyaki kjúklingur

Lilja Katrín Gunnarsdóttir
Mánudaginn 3. desember 2018 13:00

Girnilegur vikumatseðill.

Það styttist óheyrilega í jólin og margir farnir að undirbúa jólamatinn sem er alltaf mjög sérstakur. Því léttum við ykkur lífið með matseðli vikunnar sem inniheldur fjölbreyttar og einfaldar uppskriftir sem nýtast vel í jólaösinni.

Mánudagur – Ítalskur lax

Uppskrift af Delish

Hráefni:

2 msk. ólífuolía
4 laxaflök
salt og pipar
3 msk. smjör
3 hvítlauksgeirar, smátt saxaðir
1½ bolli kirsuberjatómatar, skornir í tvennt
2 bollar spínat
½ bolli rjómi
¼ bolli rifinn parmesan ostur
¼ bolli ferskar kryddjurtir, saxaðar (svo sem basil og steinselja)
sítrónubátar (má sleppa)

Aðferð:

Hitið olíuna í stórri pönnu yfir meðalhita. Saltið og piprið laxinn og setjið hann síðan á pönnuna með roðið upp. Steikið í 6 mínútur, snúið við og steikið í 2 mínútur til viðbótar. Setjið á disk. Lækkið hitann og bræðið smjör á pönnunni. Setjið hvítlauk út í og steikið í 1 mínútur. Bætið tómötum saman við og saltið og piprið. Eldið þar til tómatarnir byrja að springa og bætið spínatinu við. Eldið þar til spínatið byrjar að minnka um sig. Hrærið rjóma, parmesan og kryddjurtum saman við og náið upp suðu. Lækkið hitann og látið malla í um 3 mínútur. Setjið laxaflökin aftur í pönnuna og notið skeið til að hella sósunni yfir laxinn. Látið malla í 3 mínútur til viðbótar. Skreytið með meira af kryddjurtum og kreistið sítrónusafa yfir fiskinn áður en hann er borinn fram.

Ítalskur lax.

Þriðjudagur – Einfalt sveppapasta

Uppskrift af Sip and Feast

Hráefni:

450 g sveppir að eigin vali
450 g pasta að eigin vali
1 bolli rifinn parmesan ostur
1 bolli rjómi
10 hvítlauksgeirar, grófsaxaðir
2 msk. ólífuolía
1 tsk. salt
1 tsk. pipar
½ bolli fersk steinselja, söxuð
2 bollar pasta vatn

Aðferð:

Þvoið sveppina og skerið. Sjóðið pastað einni mínútu styttra en stendur á pakkanum. Hitið olíu yfir meðalhita og snöggsteikið hvítlaukinn í 1 mínútu. Bætið sveppum saman við og hækkið hitann. Steikið í nokkrar mínútur til að þeir brúnist vel. Takið 2 bolla af pastavatninu og setjið til hliðar þegar pastað er soðið. Bætið salti, pipar og 1 bolla af pastavatni við sveppablönduna og eldið í 1 mínútu. Lækkið hitann og bætið rjóma og parmesan út í. Hrærið vel saman. Bætið pastanu við sósuna og blandið öllu vel saman. Smakkið sósuna til og bætið steinselju út í. Ef sósan er of þunn er hægt að bæta meira pastavatni saman við.

Sveppapasta.

Miðvikudagur – Súpa með blómkáli og beikoni

Uppskrift af Delish

Hráefni:

4 beikonsneiðar, skornar í meðalstóra bita
1 meðalstór laukur, saxaður
2 meðalstórar gulrætur, saxaðar
2 sellerístilkar, saxaðir
salt og pipar
2 hvítlauksgeirar, saxaðir
2 msk. hveiti
2 timjangreinar, saxaðar
1 blómkálshaus, skorinn í bita
950 ml grænmetissoð
1 bolli mjólk

Aðferð:

Takið til stóran pott og setjið hann á hellu yfir meðalhita. Steikið beikonið þar til það er stökkt. Færið það á pappírsþurrku til að þerra fituna. Setjið lauk, gulrætur og sellerí í pottinn og saltið og piprið. Eldið þar til grænmetið er mjúkt, eða í um 5 mínútur. Bætið hvítlauk út í og eldið í 1 mínútu. Hrærið hveiti saman við og eldið í 2 mínútur til viðbótar. Bætið timjan og blómkáli saman við. Hellið soði og mjólk saman við og náið upp suðu. Lækkið hitann og látið malla þar til blómkálið er mjúkt, eða í um 15 mínútur. Saltið og piprið. Skreytið með beikoni og berið fram. Þeir sem vilja gera réttinn grænmetisætuvænann skipta beikoni út fyrir 2 matskeiðar af ólífuolíu.

Súpa með beikoni og blómkáli.

Fimmtudagur – Teriyaki kjúklingur

Uppskrift af Curry Trail

Hráefni:

2 kjúklingabringur
10-12 litlar kartöflur
1/3 bolli litlar gulrætur
1 lítill brokkolíhaus
1 bolli kúrbítur, skorinn í sneiðar
3 msk ólífuolía
salt og pipar eftir smekk

Teriyaki-sósa – Hráefni:

½ bolli sojasósa
½ bolli púðursykur
¼ bolli hrísgrjónaedik
¼ bolli sweet chili-sósa
2 msk. sriracha-sósa (má sleppa)
1 tsk. pipar
½ tsk. salt
1 msk. hvítlaukur, smátt saxaður
1 msk. engifer, smátt saxað

Aðferð:

Blandið öllum hráefnum í sósuna vel saman og setjið til hliðar. Hitið ofninn í 200°C. Smyrjið ofnskúffu með ólífuolíu. Setjið kartöflur í skúffuna, saltið og piprið og bakið í 10 mínútur. Skerið kjúklingabringurnar í tvennt. Bætið restinni af grænmetinu í skúffuna sem og kjúklingnum, en auðvitað er hægt að nota hvaða grænmeti sem er. Penslið teriyaki-sósunni á báðar hliðar kjúklingsins og drissið smá sósu yfir grænmetið. Blandið saman svo allt í skúffunni fái smá sósu. Setjið í ofn og bakið í 15 mínútur til viðbótar, eða þar til kjúklingur er eldaður. Drissið restinni af sósunni yfir kjúklinginn og grænmetið og berið fram.

Teriyaki-kjúklingur.

Föstudagur – Aspas Risotto

Uppskrift að Travel Cook Tell

Hráefni:

1½ bolli Arborio-hrísgrjón (risotto hrísgrjón)
3 bollar kjúklingasoð
¼ bolli þurrt hvítvín
1 aspas búnt (geymið 6 aspasstöngla til að bera fram með – skerið restina í bita)
1 lítill laukur, saxaður
2 msk. smjör
½ bolli rifinn parmesan ostur
2 msk. ólífuolía
salt og pipar
meiri rifinn parmesan ostur til að bera fram með

Hráefni:

Grillið 6 aspasstöngla með salti og ólífuolíu. Hitið ólífuolíu í stórri pönnu. Bætið lauk saman við og eldið þar til laukurinn byrjar að mýkjast. Bætið hrísgrjónum saman við, víni og ½ bolla af kjúklingasoði. Hrærið stanslaust í blöndunni og bætið smátt og smátt restinni af soðinu saman við. Haldið áfram að hræra og bætið aspas saman við þegar helmingurinn af soðinu er kominn í pönnuna. Munið að hræra. Ef að soðið dugir ekki til að elda hrísgrjónin má bæta heitu vatni saman við. Þegar hrísgrjónin eru næstum því tilbúin er smjöri og parmesan osti bætt saman við. Saltið og piprið eftir smekk. Haldið áfram að hræra vel. Berið fram með parmesan osti og grilluðum aspas.

Aspas Risotto.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Svört skýrsla um paleo mataræðið

Svört skýrsla um paleo mataræðið
Matur
Fyrir 2 dögum

Hún er búin að missa tæp 40 kíló á ketó: Hér eru 12 ráð sem hjálpuðu henni

Hún er búin að missa tæp 40 kíló á ketó: Hér eru 12 ráð sem hjálpuðu henni
Matur
Fyrir 2 dögum

Frábær ráð fyrir jólaþrifin: Ekki eyða mörgum klukkutímum í hreingerningar – Þú þarft bara hálftíma

Frábær ráð fyrir jólaþrifin: Ekki eyða mörgum klukkutímum í hreingerningar – Þú þarft bara hálftíma
Matur
Fyrir 2 dögum

Harry Potter-kastali úr piparkökum: 27 kíló og 3 daga verk – Sjáið myndbandið

Harry Potter-kastali úr piparkökum: 27 kíló og 3 daga verk – Sjáið myndbandið
Matur
Fyrir 3 dögum

Það mættu fleiri taka sér Írisi til fyrirmyndar: „Eina sem þau vantar eru heimagerðar kærleiksgjafir“

Það mættu fleiri taka sér Írisi til fyrirmyndar: „Eina sem þau vantar eru heimagerðar kærleiksgjafir“
Matur
Fyrir 3 dögum

Árið var alls konar: Kannabisnammi og einhyrningakökur úti um allt

Árið var alls konar: Kannabisnammi og einhyrningakökur úti um allt