Eflaust eru margar skýringar á því. Hvað varðar karla, þá hefur því oft verið haldið fram að það sé kynhvötin sem valdi því oft að þeir halda framhjá. En kannski hefur verið minna um skýringar á af hverju konur halda framhjá.
Nú segja vísindamenn að ný rannsókn þeirra varpi nýju ljósi á ástæðurnar fyrir framhjáhaldi kvenna.
Í rannsókninni, sem hefur verið birt í vísindaritinu „Evolution and Human Behavior“ kemur fram að konum finnist manneskjan, sem þær halda framhjá með, meira aðlaðandi en maki þeirra. En á hinn bóginn líta þær á maka sinn sem betra foreldri fyrir afkvæmin.
Videnskab skýrir frá þessu.
Rannsóknin bendir til að konur haldi framhjá til að fá „góð gen“ fyrir afkvæmi sín en „reikni með“ að maki þeirra hjálpi þeim við uppeldið.
En í rannsókninni kemur einnig fram að aðrar ástæður geti legið að baki framhjáhaldi, til dæmis að konur vilji hefna sín á makanum eða séu óánægðar í sambandinu.
254 konur og karlar, sem öll eru gagnkynhneigð, frá 19 löndum tóku þátt í rannsókninni. Fólkið á það sameiginlegt að hafa haldið framhjá maka sínum. Var fólkið beðið um leggja mat á maka sinn og þann sem það hélt framhjá með, út frá þremur þáttum:
Útlit og kynferðislegt aðdráttarafl.
1. Persónuleg gildi og eiginleikar.
2. Hæfi sem foreldri.
3. Því næst var fólkið beðið um að segja af hverju það hafði haldið framhjá.
Þegar allar þessar upplýsingar lágu fyrir, gátu vísindamenn greint mynstur og þemu í svörunum.
Almennt séð mátu konurnar þann sem þær héldu framhjá með, sem meira líkamlega aðlaðandi en maka sinn, en síður hæfan til að sinna foreldrahlutverkinu.
