fbpx
Sunnudagur 16.júní 2024
Pressan

Ringulreið í Napólí eftir öflugan jarðskjálfta – Upptökin í risastóru eldfjalli

Pressan
Þriðjudaginn 21. maí 2024 08:44

Ekki missa af Helstu tíðindum dagsins í pósthólfið þitt

Lesa nánar

Íbúar í nágrenni ítölsku borgarinnar Napólí – margir hverjir að minnsta kosti – þustu út á götur í gærkvöldi eftir að jarðskjálfti af stærðinni 4,4 reið yfir svæðið. Upptökin voru undir eldfjallinu Campi Flegrei sem er skammt vestur af Napólí, þriðju fjölmennustu borg Ítalíu.

Skjálftinn í gærkvöldi er sá stærsti í áratugi en í fyrrahaust varð nokkuð öflug jarðskjálftahrina á svæðinu. Urðu skjálftar af stærðinni 4,2 og 4,0 í október síðastliðnum. Og í fyrrasumar vöruðu vísindamenn við því að eldgos væri hugsanlega yfirvofandi.

Eldgos á þessum slóðum eru sem betur fer fátíð en þegar þau verða geta þau verið stór og mikil. Síðast gaus í Campi Flegrei árið 1538 og eru vísindamenn margir þeirrar skoðunar að fjallið sé komið á tíma.

Eitthvað virðist hafa verið um tjón í skjálftanum í gærkvöldi og birtust til að mynda myndbönd á samfélagsmiðlum sem sýndu hvernig vörur hrundu úr hillum verslana í bænum Pozzuoli. Þá mynduðust sprungur í einhverjum byggingum. Skólar í Pozzuoli verða lokaðir í dag vegna skjálftans.

Íbúi á svæðinu segir að fólk í nágrenni eldfjallsins lifi í stöðugum ótta og hefur Daily Mail eftir viðkomandi að hann óttist að byggingar ráði illa við þessa stöðugu skjálftavirkni.

Vísindamenn telja ólíklegt að eldgos sé yfirvofandi í bráð en fjallið hefur áður sýnt samskonar virkni og nú. Á níunda áratug síðustu aldar voru jarðskjálftar tíðir í fjallinu en hrinan hætti án þess að til frekari atburða kæmi. En ef til eldgoss kæmi gætu 350 til 500 þúsund manns þurft að yfirgefa heimili sín.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Dularfullt andlát lögreglumanns vekur upp spurningar – Drap kærastan hann eða er lögreglan að hylma yfir með sínum eigin?

Dularfullt andlát lögreglumanns vekur upp spurningar – Drap kærastan hann eða er lögreglan að hylma yfir með sínum eigin?
Pressan
Fyrir 2 dögum

Sátu í makindum úti í garði þegar þau heyrðu mikil óhljóð – Heppin að ekki varð stórslys

Sátu í makindum úti í garði þegar þau heyrðu mikil óhljóð – Heppin að ekki varð stórslys
Pressan
Fyrir 3 dögum

Vanstilltur tölvupóstur Donald Trump vekur upp spurningar um geðheilsu hans – „Hann mun gera allt til að vinna kosningarnar“

Vanstilltur tölvupóstur Donald Trump vekur upp spurningar um geðheilsu hans – „Hann mun gera allt til að vinna kosningarnar“
Pressan
Fyrir 3 dögum

Tvö ung börn lifðu 96 klukkustunda dvöl í skógi af – Hundarnir hræddu úlfa á brott

Tvö ung börn lifðu 96 klukkustunda dvöl í skógi af – Hundarnir hræddu úlfa á brott
Pressan
Fyrir 4 dögum

Meiri upplýsingar um 12 ára morðingjann líta dagsins ljós – Sagður snarruglaður

Meiri upplýsingar um 12 ára morðingjann líta dagsins ljós – Sagður snarruglaður
Pressan
Fyrir 4 dögum

Drepinn í gærkvöldi

Drepinn í gærkvöldi