Síðdegis á mánudaginn átti ótrúlegur atburður sér stað í sjoppu á Frederikssundsvej í Kaupmannahöfn. 27 ára karlmaður skar þá framan af fingri á viðskiptavini og kýldi afgreiðslumanninn í andlitið.

Árásarmaðurinn var handtekinn seint á mánudagskvöldið. Ekstra Bladet hefur eftir talsmanni lögreglunnar að maðurinn hafi skorið framan af þumalfingri vinstri handar viðskiptavinarins og kýlt afgreiðslumanninn í andlitið.

Ekki liggur fyrir hvort árásarmaðurinn þekkti fórnarlömbin og ekki liggur heldur fyrir hvað gekk á áður en til ofbeldis kom.