fbpx
Föstudagur 14.maí 2021
Pressan

Þetta er meðal þess sem fólk gleymir í sumarbústöðum – Kynlífsleiktæki og tengdamamma

Kristján Kristjánsson
Föstudaginn 30. apríl 2021 05:23

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Margir njóta þess að fara í sumarbústað til að fá tilbreytingu frá amstri hversdagsleikans og hlaða batteríin. En það kemur fyrir að fólk gleymi hlutum í bústöðunum sem eru oftar en ekki teknir á leigu.

Þetta gerist einnig hjá frændfólki okkar í Danmörku en þar er mjög mikið um að fólk leigi sér sumarbústað og hefur það færst mikið í vöxt eftir að heimsfaraldurinn skall á enda ekki svo auðvelt að fara eitthvað út fyrir landsteinana. Samhliða þessu hafa eigendur sumarbústaðanna upplifað sannkallaða sprengingu í fjölda óskilamuna, muna sem fólk gleymir eða kannski skilur eftir af ásettu ráði þegar það yfirgefur bústaðina.

Meðal þessara muna eru auðvitað sjampó, leikföng og bækur. En samkvæmt nýlegri samantekt útleigufyrirtækisins DanCenter þá eru það einnig hinir óvenjulegustu og undarlegustu hlutir sem fólk gleymir. Fyrirtækið tók saman lista yfir óvenjulegustu hlutina sem leigjendur hafa skilið eftir í bústöðum.

„Fólk gleymir öllu mögulegu. En inn á milli gleymast hlutir sem skera sig úr og maður man eftir,“ hefur BT eftir Palle Pallesen, hjá DanCenter í Blåvand. Hann sagði að eitt það óvenjulegasta sem hann muni eftir sé þegar gestur, sem var farinn á brott, hringdi og sagðist hafa gleymt gervifæti sonarins. „Það var gervifótur í skáp í sumarbústaðnum,“ sagði Pallesen. Starfsfólk DanCenter pakkaði honum vel inn og sendi til eigandans með pósti. Í annað sinn gleymdi leigjandi gervitönnunum sínum þegar haldið var heim á leið. Starfsfólkið fann þær á náttborðinu.

Fyrirtækið hefur samband við leigutaka þegar þeir gleyma einhverju í bústöðunum en það er ekki alltaf gefið að leigjendurnir vilji kannast við munina, þeir geta verið of persónulegir. „Einu sinni fundum við tösku fulla af kynlífsleikföngum. Leigjandinn vildi ekki kannast við hana, hún sagði raunar að sér væri misboðið,“ sagði Pallesen.

Hann sagðist einnig muna eftir einu tilfelli þar sem tengdamanna gleymdist í bústaðnum. Fjölskyldan hafði pakkað saman og fór síðan að skila lyklinum og ganga frá leigunni. Tengdamamman settist á bekk á meðan og síðan ók restin af fjölskyldunni á brott og skildi hana eftir. Fjölskyldan var á tveimur bílum og í báðum bílunum hélt fólk að tengdamamma væri í hinum bílnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Spáir því að Bretland verði laust við kórónuveiruna í ágúst

Spáir því að Bretland verði laust við kórónuveiruna í ágúst
Pressan
Fyrir 2 dögum

Ógnþrungið ástand í smáþorpi í Wales eftir hvarf 18 ára unglings – Hvar er Frankie?

Ógnþrungið ástand í smáþorpi í Wales eftir hvarf 18 ára unglings – Hvar er Frankie?
Pressan
Fyrir 3 dögum

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“

Telur líklegt að til stríðs komi á milli Bandaríkjanna og Kína – „Það er framtíð lýðræðisins sem er að veði, ekkert minna“
Pressan
Fyrir 3 dögum

Bólusetningum í Bandaríkjunum fer fækkandi – Stór hópur er hikandi

Bólusetningum í Bandaríkjunum fer fækkandi – Stór hópur er hikandi
Pressan
Fyrir 4 dögum

Melinda hafði samband við lögmann eftir að upp komst að Bill hitti barnaníðinginn

Melinda hafði samband við lögmann eftir að upp komst að Bill hitti barnaníðinginn
Pressan
Fyrir 4 dögum

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda