fbpx
Fimmtudagur 02.desember 2021
Pressan

Rúmlega 60 barnabrúðir látast daglega

Kristján Kristjánsson
Mánudaginn 11. október 2021 20:00

Faðir þessarar sex ára afgönsku stúlku seldi hana í hjónaband. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á hverju ári látast rúmlega 22.000 stúlkur, svokallaðar barnabrúðir, af völdum erfiðleika á meðgöngu eða við fæðingu. Þetta svarar til þess að rúmlega 60 barnabrúðir látist daglega að meðaltali.

Þessar stúlkur eru gefnar í hjónaband áður en þær ná 18 ára aldri. Í dag er alþjóðlegi stúlknadagur Sameinuðu þjóðanna og af því tilefni birti Red Barnet (Björgum barninu) í Danmörku nýja skýrslu um þetta í dag. Samtökin segja að barneignir séu orsök flestra dauðsfalla unglingsstúlkna á heimsvísu.

Jakob Eilsøe Mikkelsen, hjá Red Barnet, segir að nú sé staða þessara mála verst í Vestur- og Mið-Afríku. Þar látast um 9.600 stúlkur árlega af ástæðunum sem eru nefndar hér að ofan. Mikkelsen segir að ástæðan sé að staðan sé viðkvæm í Afríku, átök geisi, áhrif loftslagsbreytinganna séu áþreifanleg og heimsfaraldur kórónuveirunnar hafi orðið til þess að skólum hafi verið lokað. Þetta auki vandræði fjölskyldna. Þegar fátækar fjölskyldur lendi í vanda neyðist þær til að skoða hvað sé besta leiðin til að lifa af og stundum sé það að halda stúlkunum heima eða gifta þær á brott svo aðrir geti séð fyrir þeim.

Síðan heimsfaraldurinn skall á hafa margir haft áhyggjur af að hann myndi verða til þess að fleiri stúlkur yrðu gefnar í hjónaband því þær gætu ekki farið í skóla. Þessi ótti er staðfestur í skýrslunni en um leið er tekið fram að taka verði tölunum með fyrirvara því ekki liggi nægilega mikið af gögnum fyrir á þessu sviði.

Mikkelsen segir að í nokkur ár fyrir heimsfaraldurinn hafi þróunin verið sú að barnahjónaböndum fækkaði en allt frá því að hann skall á hafi þróunin verið í hina áttina. Hann sagði að margt þurfi að gerast til að hægt sé að snúa þessari þróun við en eitt það mikilvægasta sé að opna skólana og koma stúlkunum aftur í þá.

„Við höfum sé að það hefur verið auðveldara fyrir drengi að koma aftur í skóla en það er fyrir stúlkur. Þetta hefur óbein áhrif á barnahjónabönd því við vitum að þegar stúlkur mennta sig minnka líkurnar á að þær verði gefnar í hjónaband eða verði barnshafandi á unglingsaldri,“ sagði Mikkelsen.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

„Mér hefur aldrei liðið svona illa, ég vildi óska að ég hefði verið bólusettur“

„Mér hefur aldrei liðið svona illa, ég vildi óska að ég hefði verið bólusettur“
Pressan
Í gær

Dularfullt mál – Tveimur konum var hent fyrir framan sitthvort sjúkrahúsið – Nú eru þær báðar dánar

Dularfullt mál – Tveimur konum var hent fyrir framan sitthvort sjúkrahúsið – Nú eru þær báðar dánar