fbpx
Mánudagur 17.janúar 2022
Pressan

Aukinn straumur afganskra flóttamanna til Tyrklands – Getur haft áhrif í Evrópu

Kristján Kristjánsson
Mánudaginn 9. ágúst 2021 06:59

Flóttamenn í Tyrklandi. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Allt frá því að brottflutningur bandarískra hermanna frá Afganistan hófst hafa sífellt fleiri afganskir flóttamenn komið til Tyrklands. Þeir bætast við um, 3,5 milljónir sýrlenskra flóttamanna sem eru þar fyrir. Á endanum getur þetta haft aukinn þrýsting á ytri landamæri ESB í för með sér.

Árum saman hefur verið stöðugur straumur afganskra flóttamanna og innflytjenda til Tyrklands en þeim hefur fjölgað til muna eftir að Joe Biden, Bandaríkjaforseti, ákvað að kalla bandaríska herliðið heim frá Afganistan. Talíbanar hafa sótt í sig veðrið og tekið yfir stjórn á sífellt stærri landsvæðum í Afganistan og samhliða því hafa sífellt fleiri lagt á flótta.

Á föstudaginn náðu Talibanar höfuðborg Nimroz héraðs á sitt vald en héraðið liggur að Íran. Á laugardaginn var röðin komin að höfuðborg Jawzjan í norðurhluta landsins. „Hermenn og embættismenn hafa hörfað til flugvallarins,“ sagði Qader Malia, vararíkisstjóri, þá. Talibanar ógna einnig fleiri borgum og bæjum og hefur Hvíta húsið gefið heimild fyrir loftárásum á hersveitir þeirra til að styðja við bakið á her afgönsku ríkisstjórnarinnar í baráttunni við Talibana. Í gær náðu þeir síðan þremur mikilvægum borgum á sitt vald, Kunduz, Sar-i-Pul og Taliqan en þær eru allar í norðurhluta landsins.

Fjölmargir óbreyttir borgarar hafa látist í átökunum. Í Kandahar er talið að Talibanar hafi drepið 800 til 900 manns að sögn Tadin Khan, fyrrum yfirlögregluþjóns í héraðinu. Afganskir fjölmiðlar segja að Nazar Mohammad, sem var vinsæll stjórnmálamaður, hafi verið dreginn út af heimili sínu og skorinn  á háls af Talibönum.

SÞ telja að rúmlega 250.000 Afganar hafi flúið heimili síðan ofbeldið byrjaði að aukast í janúar. Flestir hafa flúið til annarra landshluta en aðrir til annarra landa, þar á meðal Tyrklands. Ekki eru til neinar nákvæmar tölur yfir fjöldann sem hefur komið til Tyrklands en samtökin Serhat Association for Migration Research í tyrkneska landamærabænum Van, sem er aðalleið flóttamanna í gegnum Íran, telja að 500 til 1.000 Afganir komi daglega til Tyrklands. Það eru fimm sinnum fleiri en á sama tíma fyrir ári.

Rúmlega 3,5 milljónir sýrlenskra flóttamanna eru fyrir í Tyrklandi og því hafa stjórnmálamenn miklar áhyggjur af straumi afganskra flóttamanna til landsins en talið er að á milli 200.000 og 600.000 Afganir séu í landinu, flestir hafa komið þangað ólöglega.

Ríkisstjórnin hefur brugðist við með að flýta byggingu múrs með varðturnum á landamærunum að Íran. Landamæravörðum hefur verið fjölgað og öryggissveitir hafa stöðvað för mörg þúsund ólöglegra innflytjenda og flóttamanna og sent aftur til Íran.

Þá gætir vaxandi óánægju í garð Evrópuríkja en tyrkneska ríkisstjórnin telur að Evrópa taki ekki á sig sinn hluta af vandanum en frá 2016 hefur Tyrkland verið nokkurs konar stuðpúði fyrir ESB hvað varðar flóttamenn. Á móti greiðir ESB Tyrkjum milljarða evra árlega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 4 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða