fbpx
Laugardagur 24.október 2020
Pressan

Tveir lögreglumenn skotnir í Louisville í mótmælum vegna máls Breonna Taylor

Kristján Kristjánsson
Fimmtudaginn 24. september 2020 04:00

Frá óeirðunum í nótt. Mynd:EPA-EFE/Mark Lyons

Ekki missa af Helstu tíðindum dagsins í pósthólfið þitt

Lesa nánar

Tveir lögreglumenn voru skotnir í Louisville í Kentucky í Bandaríkjunum í gærkvöldi að staðartíma. Þetta gerðist þegar mótmælt var í borginni eftir að ljóst var að enginn lögreglumaður yrði ákærður fyrir drápið á Breonna Taylor í mars. Taylor, sem var 26 ára, var skotin til bana á heimili sínu þegar lögreglan réðst til inngöngu á grunni rangra upplýsinga um fyrrum unnusta Taylor.

Í gær var tilkynnt að enginn lögreglumaður verði ákærður beint fyrir drápið en einn, Brett Hankison, verður ákærður fyrir tilefnislausa valdbeitingu með því að hafa hleypt af skotum inn í aðrar íbúðir í fjölbýlishúsinu sem Taylor bjó í. Hann á allt að fimm ára fangelsi yfir höfði sér fyrir hvert brot en þau eru samtals þrjú. Daniel Cameron, dómsmálaráðherra Kentucky, sagði í gær að rannsókn hefði leitt í ljóst að valdbeiting tveggja annarra lögreglumanna hefði verið í samræmi við reglur. Tilkynningin vakti reiði margra og safnaðist fólk saman til að mótmæla. Nokkrir voru handteknir í átökum við lögreglu.

Robert Schroeder, lögreglustjóri í borginni, sagði á fréttamannafundi að tveir lögreglumenn hefðu verið skotnir í miðborginni þegar þeir brugðust við tilkynningum um skothvelli. Hann sagði að þeir hefðu báðir verið fluttir á sjúkrahús og væri ástand þeirra „stöðugt“. Hann sagði að einn hefði verið handtekinn vegna málsins.

Óeirðarlögregla og þjóðarvarðlið hafa tekist á við mótmælendur í borginni í nótt og hafa notað brynvarin ökutæki frá hernum auk táragass. Sky skýrir frá þessu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 2 dögum

Mokveiði ennþá í Eystri Rangá

Mokveiði ennþá í Eystri Rangá
Pressan
Fyrir 2 dögum

Rúmlega 100.000 Kaliforníubúar hafa keypt sér skotvopn vegna COVID-19

Rúmlega 100.000 Kaliforníubúar hafa keypt sér skotvopn vegna COVID-19
Pressan
Fyrir 3 dögum

Skelfileg mannréttindabrot í Katar þrátt fyrir fögur fyrirheit gestgjafa næsta HM í knattspyrnu

Skelfileg mannréttindabrot í Katar þrátt fyrir fögur fyrirheit gestgjafa næsta HM í knattspyrnu
Pressan
Fyrir 3 dögum

Macron boðar hertar aðgerðir gegn öfgasinnuðum múslimum

Macron boðar hertar aðgerðir gegn öfgasinnuðum múslimum
Pressan
Fyrir 3 dögum

Ævintýrið breyttist í dularfulla martröð? Af hverju gerðu þau þetta?

Ævintýrið breyttist í dularfulla martröð? Af hverju gerðu þau þetta?
Pressan
Fyrir 4 dögum

Göngukona fannst á lífi eftir 14 daga í óbyggðum

Göngukona fannst á lífi eftir 14 daga í óbyggðum