fbpx
Fimmtudagur 01.október 2020
Pressan

Þjóðverjar óttast að Rússar reyni aftur að myrða Navalnij – Efla öryggisgæslu hans

Kristján Kristjánsson
Mánudaginn 14. september 2020 08:00

Alexei Navalny. Mynd: EPA-EFE/SERGEI ILNITSKY

Ekki missa af Helstu tíðindum dagsins í pósthólfið þitt

Lesa nánar

Þýsk yfirvöld hafa aukið verulega við öryggisgæslu við Charité-sjúkrahúsið í miðborg Berlín en þar liggur Alexei Navalny, einn helsti andstæðingur Vladimir Pútíns Rússlandsforseta. Hann er að jafna sig eftir að eitrað var fyrir honum þann 20. ágúst þegar hann var á ferð um Rússland. Þýsk stjórnvöld segja að ný og enn hættulegri tegund af novichok eitrinu hafi verið notuð á Navalny. Eldri útgáfa af eitrinu var notuð þegar eitrað var fyrir Skripal-feðginunum í mars 2018 en þar voru Rússar að verki. Rússnesk stjórnvöld hafa þó alla tíð þvertekið fyrir að hafa komið nálægt málinu sem og máli Navalny en óhætt er að segja að á Vesturlöndum leggja ekki margir trúnað á orð Rússa.

Der Spiegel segir að öryggisgæslan í kringum Navalny hafi verið aukin til muna. Fram kemur að reikna megi með að Navalny muni geta rifjað upp hvað gerðist daginn örlagaríka en sú frásögn getur verið hættuleg fyrir þá sem stóðu að baki morðtilrauninni.

Samkvæmt frétt Die Zeit þá hafa sérfræðingar þýska hersins komist að þeirri niðurstöðu að sú útgáfa novichodk, sem Navalny var byrluð, sé ný og öðruvísi en sú sem Skripal-feðginunum var byrluð 2018. Ný útgáfan er sögð vera hægvirkari en eldri útgáfur en hins vegar kvalafyllri og banvænni.

Þýskir læknar telja að Navalny hefði látist um borð í flugvélinni, sem hann var í þegar hann veiktist, ef flugstjórinn hefði ekki brugðist svo snarlega við og lent á næsta flugvelli og ef læknarnir á sjúkrahúsinu í Omsk í Síberíu hefðu ekki samstundis gefið honum mótefnið atropin.

Þýskir sérfræðingar eru sannfærðir um að morðtilræði á borð við þetta þar sem svo banvænt og flókið eitur er notað geti aðeins hafa verið framkvæmt af rússneskri leyniþjónustu, líklegast leyniþjónstu hersins. Talið er að útsendari leyniþjónustunnar hafi sett eitrið í te Navalny eða smurt því á tebollann hans á meðan hann beið á flugvellinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Í gær

Þetta var bara geggjað

Þetta var bara geggjað
Pressan
Í gær

Fyrstu kappræður Trump og Biden eru í kvöld – Skattamálin verða væntanlega ofarlega á baugi

Fyrstu kappræður Trump og Biden eru í kvöld – Skattamálin verða væntanlega ofarlega á baugi
Pressan
Í gær

Telur að sænskur kafbátur hafi siglt á Estonia og sökkt ferjunni

Telur að sænskur kafbátur hafi siglt á Estonia og sökkt ferjunni
Pressan
Fyrir 2 dögum

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna

Kórónuveirusmitaður fjölskyldufaðir stóðst ekki mátið og fór á McDonalds með alla fjölskylduna
Pressan
Fyrir 2 dögum

89 ára pizzusendill fékk óvænta sendingu – „Hvernig get ég þakkað ykkur?“

89 ára pizzusendill fékk óvænta sendingu – „Hvernig get ég þakkað ykkur?“
Pressan
Fyrir 2 dögum

Fundu „risarottu“ í holræsinu

Fundu „risarottu“ í holræsinu
Pressan
Fyrir 3 dögum

Ætla að banna sölu bensínbíla í Kaliforníu

Ætla að banna sölu bensínbíla í Kaliforníu
Pressan
Fyrir 3 dögum

Norðurheimskautið verður sífellt grænna – Hefur áhrif á dýr og gróður

Norðurheimskautið verður sífellt grænna – Hefur áhrif á dýr og gróður