fbpx
Laugardagur 26.september 2020
Pressan

Þess vegna er Donald Trump hræddur við Kamala Harris

Kristján Kristjánsson
Föstudaginn 14. ágúst 2020 05:45

Kamala Harris er varaforsetaefni Joe Biden.

Ekki missa af Helstu tíðindum dagsins í pósthólfið þitt

Lesa nánar

„Ósiðleg, óforskömmuð, ógeðsleg og óeðlileg.“ Þetta eru bara fjögur af þeim orðum sem Donald Trump, Bandaríkjaforseti, hefur notað til að lýsa Kamala Harris, varaforsetaefni Joe Biden. Margir bandarískir stjórnmálaskýrendur segja að það sé aðeins hægt að túlka orð Trump á einn veg.

„Donald Trump er skíthræddur við Kamala Harris.“

Sagði Nicolle Wallace þáttastjórnandi hjá MSNBC á miðvikudaginn og bætti við:

„Af 11 konum, sem komu til greina sem varaforsetaefni, er Kamala Harris sú sem hann hræðist mest. Sem fyrrum saksóknari og ríkissaksóknari í Kaliforníu er Kamala Harris nær óttalaus þegar kemur að valdamiklum mönnum. Hún er eins og varðhundur.“

David Axelrod, fyrrum ráðgjafi Barack Obama, fyrrum forseta, er á sama máli:

„Ég er viss um að Mike Pence, varaforseti, skelfur á beinunum. Við vitum líka öll hvernig forsetanum líður í návist valdamikilla kvenna. Kamala Harris er ekki bara valdamikil kona, hún er svört valdamikil kona.“

Sagði hann í samtali við útvarpsstöðina NPR.

Trump hefur á fréttamannafundum, viðtali og í nokkrum tístum á Twitter fullyrt að Kamala Harris sé andstæðingur sem hentar honum vel. Hann segist aðallega vera hissa á hversu auðvelt það verði nú að sigra Joe Biden og ná þannig endurkjöri.

En Nicolle Wallace segir að það sé auðvelt að sjá í gegnum viðbrögð Trump:

„Ef Trump væri ekki áhyggjufullur myndi hann ekki tala svona mikið um Kamala Harris og hann myndi ekki kalla hana öllum þessum ljótu nöfnum.“

En hvort sem Trump er hræddur við Kamala Harris eður ei þá breytir það ekki þeirri staðreynd að þau voru eitt sinn vinir, eða að minnsta kosti pólitískir bandamenn. Trump og fjölskylda hans styrktu framboð hennar fjárhagslega 2011 og 2013 þegar hún sóttist eftir embætti ríkissaksóknara í Kaliforníu. Washington Post segir að skýringin á þessu sé einföld:

„Þá var Donald Trump Demókrati. Hann studdi einnig Bill og Hillary Clinton, bæði félagslega og fjárhagslega.“

Segir blaðið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Gat ekki sagt nei við FH
Pressan
Í gær

Smita sjálfboðaliða viljandi af kórónuveirunni

Smita sjálfboðaliða viljandi af kórónuveirunni
Pressan
Í gær

„Svarti lénsherrann“ dæmdur í 5 ára fangelsi

„Svarti lénsherrann“ dæmdur í 5 ára fangelsi
Pressan
Fyrir 2 dögum

Fræga fólkið er óttaslegið – Vill fá listann

Fræga fólkið er óttaslegið – Vill fá listann
Pressan
Fyrir 2 dögum

Ráðgátan um rofnu breiðbandstenginguna – Loksins tókst að leysa hana

Ráðgátan um rofnu breiðbandstenginguna – Loksins tókst að leysa hana
Pressan
Fyrir 3 dögum

Nýr leiðtogi Íslamska ríkisins sagður hafa skýrt Bandaríkjamönnum frá nöfnum hryðjuverkamanna

Nýr leiðtogi Íslamska ríkisins sagður hafa skýrt Bandaríkjamönnum frá nöfnum hryðjuverkamanna
Pressan
Fyrir 3 dögum

Þýskur saksóknari segist hafa sannanir fyrir því að Madeleine McCann sé látin

Þýskur saksóknari segist hafa sannanir fyrir því að Madeleine McCann sé látin