fbpx
Miðvikudagur 27.maí 2020
Pressan

Telja að heilsu Boris Johnson hafi hrakað

Kristján Kristjánsson
Mánudaginn 6. apríl 2020 07:58

Boris Johnson liggur nú á sjúkrahúsi smitaður af COVID-19.

Ekki missa af Helstu tíðindum dagsins í pósthólfið þitt

Lesa nánar

Eins og fram kom í fréttum í gær var Boris Johnson, forsætisráðherra Bretlands, lagður inn á sjúkrahús í gær. Hann skýrði frá því í síðustu viku að hann hefði greinst með COVID-19 veiruna og væri því í einangrun heima við. Í tilkynningu frá forsætisráðuneytinu segir að Johnson hafi verið lagður inn á sjúkrahús til að gangast undir frekari rannsóknir. Í umfjöllun The Guardian um málið í dag kemur fram að líklegt sé að heilsu Johnson hafi hrakað. Erfitt sé að sjá að hann væri lagður inn á sjúkrahús, sem eru undir gríðarlega miklu álagi vegna COVID-19 faraldursins, til að gangast undir rannsóknir sem væri hægt að framkvæma í bústað forsætisráðherra í Downingstreet 10.

Í umfjöllun blaðsins er bent á að flestir jafni sig á COVID-19 á um viku og margir viti jafnvel ekki með vissu að þeir hafi verið smitaðir. Fólki sé ráðlagt að halda sig heima, hvílast og taka verkjalyf. Í 80% tilfella dugi þetta til.

Bresk heilbrigðisyfirvöld hafa ráðlagt fólki að leita til læknis ef einkenni sjúkdómsins, aðallega þurr hósti, hiti og þreyta, ganga ekki yfir á viku eða versna.

Johnson hefur ekki náð sér á fyrstu viku sjúkdómsins og var lagður inn á sjúkrahús til að gangast undir frekari rannsóknir en The Guardian telur ólíklegt að hann hefði verið lagður inn á sjúkrahús nema heilsu hans hafi hrakað enda sé heilbrigðiskerfið undir gríðarlegu álagi. Blaðið telur að nú verði líklega teknar lungnamyndir af honum til að rannsaka hvort hann sé með lungnabólgu og að margvíslegar rannsóknir verði gerðar á blóði hans. Læknar muni rannsaka hvort sjúkdómurinn hafi ágerst og gangi úr skugga um að sjúkdómurinn hafi ekki færst yfir á stig tvö en þá fer ónæmiskerfi líkamans á yfirsnúning. Það bregst þá of harkalega við veirunni og ræðst þá einnig á líffæri hins smitaða. Það er ástæðan fyrir því að margir enda á gjörgæslu og í öndunarvél.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Raðmorðingi játar 14 morð – Verður ekki sóttur til saka

Raðmorðingi játar 14 morð – Verður ekki sóttur til saka
Pressan
Í gær

„Uppgötvun ársins“ – „Í fyrsta sinn getum við meðhöndlað kórónuveirusmit“

„Uppgötvun ársins“ – „Í fyrsta sinn getum við meðhöndlað kórónuveirusmit“
Pressan
Fyrir 3 dögum

Ekki spurning um að önnur bylgja COVID-19 ríði yfir – Bara hversu stór hún verður

Ekki spurning um að önnur bylgja COVID-19 ríði yfir – Bara hversu stór hún verður
Pressan
Fyrir 4 dögum

Lögreglumaður grunaður um rekstur vændishúss

Lögreglumaður grunaður um rekstur vændishúss
Pressan
Fyrir 4 dögum

Þessi sjálfsmynd sendi hann beint í fangelsi – Sérð þú af hverju?

Þessi sjálfsmynd sendi hann beint í fangelsi – Sérð þú af hverju?
Pressan
Fyrir 4 dögum

Geta hafið dreifingu bóluefnis gegn COVID-19 í september

Geta hafið dreifingu bóluefnis gegn COVID-19 í september
Pressan
Fyrir 6 dögum

Lík fjölbragðaglímustjörnu fannst á strönd – Sorgleg baksaga – „Bjargaðu syni mínum“

Lík fjölbragðaglímustjörnu fannst á strönd – Sorgleg baksaga – „Bjargaðu syni mínum“
Pressan
Fyrir 6 dögum

Tónlistarmaður hneykslar – Keypti kynlíf fyrir 14 ára son sinn

Tónlistarmaður hneykslar – Keypti kynlíf fyrir 14 ára son sinn