fbpx
Miðvikudagur 27.maí 2020
Pressan

Bretar hunsa smitvarnir til að fara í sólböð: „Ég vildi óska þess að ég þyrfti ekki að taka þetta fram“

pressan
Sunnudaginn 5. apríl 2020 09:49

Skjáskot frá Sky News

Ekki missa af Helstu tíðindum dagsins í pósthólfið þitt

Lesa nánar

Ráðuneytisstjóri breska heilbrigðisráðuneytisins, Matt Hancock, segir að fólk í sólböðum sé að brjóta gegn samkomubanni.

Þúsundir Breta hafa hunsað smitvarnar fyrirmæli yfirvalda til að njóta veðurblíðunnar þar í landi.

Í dag gera veðurspár ráð fyrir því að veður í Bretlandi nái 20 gráðum og fólk því eðlilega spennt fyrir því að njóta útiveru.

„Sólböð brjóta reglurnar sem hafa nú verið settar sökum mikilvægra heilbrigðissjónarmiða“ sagði Hancock í morgun við Sky News fréttastöðina. „Ég vildi óska þess að ég þyrfti ekki að taka þetta fram, en ég þarf þess því landið okkar vill komast í gegnum þennan farald, allt landið vill komast í gegnum þessa stöðu eins fljótt og auðið er. Og til þess að það geti gerst, og til að vernda líf í samfélaginu, og til að vernda heilbrigðiskerfið og minnka á lagið á því, þá er skilvirkasta leiðin að fylgja leiðbeiningum og halda sig innandyra nema ef þú uppfyllir þau skilyrði sem við höfum sett fyrir útiveru.“

Hancock benti einnig á að þær leiðbeiningar sem ríkisstjórnin hafi sett varðandi faraldurinn séu ekki valkvæðar heldur séu þessar aðgerðir stuttar af lögum.

„Við höfum verið ákaflega skýr  með það að þú ættir ekki að yfirgefa heimili þitt nema vegna fjögurra ástæðna – ef þarft að sækja þér læknisaðstoð, til að kaupa mat, til að fara til vinnu – sé fjarvinna ekki í boði, eða til að stunda hreyfingu. Ég skil vel að þetta sé erfitt en vandamálið er að þegar þú ferð út þá er það ekki bara það að þú gætir farið nær einhverjum en tvo metra, heldur gætir þú einnig verið að dreifa veirunni með því að snerta hluti sem síðan einhver annar snertir, og sömuleiðis gætir þú smitast með þeim hætti. Við erum mjög skýr með þessar reglur og hvað fólk má og má ekki gera. Þessar reglur eru studdar með lögum. Þetta er ekki beiðni, þetta er lagaleg skylda og fólk verður að fara eftir henni.“

Hancock segir að það sé lítill minnihluti Breta sem hafi ákveðið að hunsa reglurnar og séu með því að stofna lífi annara í hættu sem og sínu eigin.

„Yfirgnæfandi meirihluti Breta er að fylgja reglum heilbrigðisyfirvalda og það er lífsnauðsynlegt að halda sig heima. En það er lítill minnihluti fólks sem gerir þetta ekki – og það er eiginlega bara ótrúlegt að sjá að það eru einstaklingar sem fara ekki eftir reglunum.“

Frétt Metro um málið

Frétt Sky News

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Hér gæti ný og enn hættulegri kórónuveira borist í fólk

Hér gæti ný og enn hættulegri kórónuveira borist í fólk
Pressan
Í gær

Telja að Tom Hagen hafi blekkt lögregluna

Telja að Tom Hagen hafi blekkt lögregluna
Pressan
Fyrir 4 dögum

Lögreglumaður grunaður um rekstur vændishúss

Lögreglumaður grunaður um rekstur vændishúss
Pressan
Fyrir 4 dögum

Portúgal hættir að taka við sorpi frá öðrum Evrópuríkjum

Portúgal hættir að taka við sorpi frá öðrum Evrópuríkjum
Pressan
Fyrir 5 dögum

Honum var rænt fyrir 32 árum – Fyrir 12 dögum kom símtalið

Honum var rænt fyrir 32 árum – Fyrir 12 dögum kom símtalið
Pressan
Fyrir 5 dögum

Þessi sjálfsmynd sendi hann beint í fangelsi – Sérð þú af hverju?

Þessi sjálfsmynd sendi hann beint í fangelsi – Sérð þú af hverju?