fbpx
Mánudagur 17.janúar 2022
Pressan

Hvarf Kim Jong-un veitir Kína gullið tækifæri

Kristján Kristjánsson
Fimmtudaginn 30. apríl 2020 05:49

Kim Jong-un sýnir enga miskun.

Ekki missa af Helstu tíðindum dagsins í pósthólfið þitt

Lesa nánar

Er Kim Jong-un, einræðisherra í Norður-Kóreu, dáinn, lifandi, alvarlega veikur eða bara í einangrun af ótta við COVID-19? Þessu hafa margir velt fyrir sér undanfarna daga því ekkert hefur sést til leiðtogans síðan þann 11. apríl.

En á sama tíma og margir velta fyrir sér hvar leiðtoginn sé þá sitja kínverskir ráðamenn hugsanlega og sjá hugsanlega ákveðin tækifæri samhliða dularfullu brotthvarfi leiðtogans. Þetta getur verið gullið tækifæri fyrir Kína því ef hann er látinn er Kína það land sem getur hagnast mest á því. Þetta kemur fram í umfjöllun news.com.au.

Kínverjar og margir aðrir hafa lengið verið meðvitaðir um að Kim Jong-un hefur verið í kjörstöðu í Asíu hvað varðar valdajafnvægið þar. Hann hefur haldið þannig á spilunum að það hefur ekki komið Kínverjum að miklu gagni enda fara Norður-Kóreumenn yfirleitt sína eigin leiðir.

Bandaríski stjórnmálaskýrandinn Michael Auslin segir að dulúðin í kringum hvarf Kim Jong-un af sjónarsviðinu veiti Kínverjum gullið tækifæri til að styrkja stöðu sína í álfunni. Ef þeim tekst að bæta sambandið við Norður-Kóreu geta þeir gert landið að einhverskonar stuðpúða í valdabaráttunni við bandamenn Bandaríkjanna í álfunni, þar á meðal Suður-Kóreu og Kína.

Auslin telur að aldrei hafi meiri hætta steðjað að Kim-fjölskyldunni sem fer með völdin í Norður-Kóreu. Nú hafi Kínverjar í fyrsta sinn raunverulegt tækifæri til að styrkja ítök sín í Norður-Kóreu.

En það heldur kannski aðeins aftur af Kínverjum að hvarf, eða kannski bara fjarvera Kim Jong-un, er ekkert einsdæmi í Norður-Kóreu. Það hefur oft gerst að fólk úr Kim-fjölskyldunni hefur horfið eða verið sagt látið.

Þann 17. nóvember 1986 var skýrt frá því að Kim Il-sung, afi Kim Jong-un, hefði verið myrtur af leigumorðingja. Hann birtist svo daginn eftir og var við hestaheilsu.

Kim Jong-il, faðir Kim Jong-un, var sagður hafa látist í lestarslysi 2004 og 2008 var hann sagður hafa látist af völdum blóðtappa. Hvorugt dauðsfallið átti við rök að styðjast.

Kim Jong-un hefur áður horfið af sjónarsviðinu um tíma en alltaf skilað sér aftur, spurningin er bara hvort það verði einnig raunin að þessu sinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 4 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða