Í fréttum úkraínskra fjölmiðla kemur fram að móðir stúlkunnar, Snezhana að nafni, hafi komið að dóttur sinni í barnavagninum og veitti hún því athygli að heimiliskötturinn, annar tveggja, hafði komið sér fyrir hjá stúlkunni og lá ofan á andliti hennar. Þegar Snezhana rak köttinn í burtu sá hún að stúlkan andaði ekki.
Sjúkraflutningamenn voru kallaðir á vettvang og reyndu þeir hvað þeir gátu að koma stúlkunni til að anda. Allt kom fyrir ekki og var stúlkan úrskurðuð látin skömmu síðar. Grunur leikur á að stúlkan hafi kafnað en krufning mun væntanlega leiða það í ljós.