Bloomberg segir að árlega verði efnisveitur og áskriftarsjónvarpsstöðvar af um 6,6 milljörðum dollara vegna deilingar lykilorða og ólöglegrar dreifingar á efni þeirra. Reiknað er með að upphæðin geti verið komin í 9 milljarða dollara eftir 5 ár ef ekkert verður að gert.
Fyrirtækin leita því nú leiða til að loka á þetta. Ein leið, sem hefur verið nefnd til sögunnar, er að láta notendur skipta reglulega um lykilorð eða að þeir fái kóða sendan í farsíma sína þegar þeir ætla að horfa. Ef þetta dugir ekki til hefur að sögn verið íhugað að láta fólk skrá sig inn með fingraförum.