Ímyndaðu þér að þú varst að koma heim, þig langar að narta í eitthvað og opnar ísskápinn. Við blasir glær öryggisskápur fullur af súkkulaði og það þarf lykilorð til að opna hann. Hvað gerir þú?
Stacey Lowe, frá Wales, var heldur betur ósátt við unnusta sinn eftir að hann setti öryggisskáp úr glæru plasti í ísskápinn þeirr. Hann var orðinn þreyttur á því að hún væri sífellt að borða súkkulaðið hans og hann neitar að gefa upp lykilorðið.
Hún segir frá þessu á Facebook.
„Ég kem heim og sé þetta! Þið kaupið hús saman, eignist barn og trúlofist og eruð að skipuleggja brúðkaup saman og þetta gerist! Dave fer og kaupir fokking öryggisskáp fyrir ísskápinn því hann er fáviti og vill ekki deila súkkulaðinu sínu með mér lengur! Vill einhver hann? Þetta er klárlega efni í sambandsslit er það ekki?!“
Færslan hefur gengið eins og eldur í sinu um netheima.
Stacey segir að hann sé að „pína“ hana með öryggisskápnum og hún „getur ekki staðist súkkulaði.“
Hún hefur miklar áhyggur að Dave muni kaupa öryggisskáp fyrir matarskápana einnig.
„Ég hló fyrst en ég sagði honum síðan að þetta væri eins og misþyrmingar því ég get séð hvað er inni í skápnum. Það er eins og það sé verið að sýna mér það sem ég má ekki fá,“ skrifar hún á Facebook.
„Við erum bæði matgæðingar en ég get ekki staðist súkkulaði.“
Stacey og Dave hafa verið saman í fjögur ár og eiga eins árs gamla stúlku saman. Dave fékk nóg af því að súkkulaði hans væri sífellt að hverfa og ákvað að það væri kominn tími til að gera eitthvað.
„Honum finnst hann svo sniðugur því hann er að slá í gegn á netinu núna,“ segir Stacey í samtali við The Sun.
Hvað myndir þú gera ef makinn þinn myndi gera þetta?