Fáránlegt aksturslags BMW-bifreiðar á leið upp í Mosfellsbæ náðist á myndband á dögunum en bifreiðin er í eigu tvítugs Kópavogsbúa. Teslu-eigandi nokkur sendi DV myndbandið ásamt skilaboðum um að það væri ágætis forvörn að sýna ökuníðingum fram á að víða í umferðinni væri að finna myndavélar sem gætu tekið upp hættulegt athæfi sem þetta.

Á myndbandinu má sjá BMW-bifreiðina smjúga á milli tveggja annarra bifreiða á tvíbreiðum vegi og má reikna með að öðrum bílstjórum hafi brugðið talsvert við athæfið sem er eðli málsins samkvæmt stórhættulegt.

Sjón er sögu ríkari en bílnúmer bílsins hefur verið afmáð.

Glannaakstur