Úkraínumenn hafa sótt fram við Bakhmut síðustu daga og náð töluverðum landsvæðum nærri bænum úr höndum Rússa. Leyniþjónusta úkraínska hersins segir að rússneski herinn geti ekki lengur blásið til stórsóknar og er hann raunar aðallega í varnarstöðu þessa dagana.

Þetta sagði talsmaður úkraínska hersins í samtali við CNN.

En þetta er ekki endilega gott fyrir Úkraínumenn.

„Þeir hafa undirbúið sig undir að verjast og það er alvarlegur þáttur sem úkraínska herstjórnin verður að taka með í reikninginn þegar hún undirbýr sig undir að endurheimta hertekin úkraínsk svæði,“ sagði talsmaðurinn.

Leyniþjónustan segir að Rússar geti þó enn skotið flugskeytum á Bakhmut og geti þannig „viðhaldið árásum“.